تغريدة مسيئة بحق ابنة أماني جحا تثير ضجة.. ونوال بري ترد بتغريدة من العيار الثقيل!

على حسابها على “تويتر”، ردّت الإعلامية في “التلفزيون العربي”، أماني جحا، على منشور فيسبوكي مسيء تعرّض لها ولابنتها، بالقول: “اتوسل ل كمل برنامجي لانو عندي بنت عندها احتياجات خاصة؟ قديه انتي ما بتخجلي تحكي هيك شي.. بنتي نعمة وما عندها احتياجات خاصة، يبدو انو العقل لي بيتمتع فيه البعض هوي احتياجات خاصة بتعيبكن. اوعا حدا يدخل بنتي بأمراضكن النفسية و فعلا ما في الكن ذنب الله خلقكن هي !”.

وبهذه التغريدة، ردّت أماني على منشور فيسبوكي جاء فيه: “لما قالولي انك عم تتوسلي إنك تكملي برنامجك لأنو عندك بنت عندها احتياجات خاصة قلنا مع كل عللك وصوتك جلاغتك بشاعتك واي متل يلي بالعة جردون صح وكمان بوقت من الأوقات كنتي عم تتحامي ببنتك الطفلة يلي ما ذنبها خلقت هيك. بس ليش ولا مرة فكرتي إنو قد ما بتشمتي بالناس، الله شمت فيكي؟ عيب عليكي”.

ولاقت تغريدة أماني تفاعلاً واسعاً، إذ وقف إلى جانبها عدد كبير من المتابعين، لا سيما الإعلاميين. فمن جانبها، علّقت رشا الخطيب قائلةً: ” كل الحب والتقدير”.

أمّا نوال بري فقالت: “ولوووووو؟؟؟؟عالم حقودة معقدة مقرفة…بكرررره السوشال ميديا من ورا هيك نفسيات مريضة بتكب كل مرضا علينا!”، مضيفةً: “الله يشفي العالم…ليريحنا من امراضهن..بيفكروكي حيط ولا صخرة..انو اذا بتطلعي عالتلفزيون يعني فيهن يجرحوا فيكي..ما بقى في احترام ولا قيم ولا شي..كل واحد بيحكي للاسف بمستواه..وهالمتسوى اقل ما يقال عنو “منحط”..طنشي بس بعد البلوك”.

ومن ناحيتها، ردّت أماني بالقول: “بتذكر وقت عملو هالشي تماما مع ديما .. قديه هني مرضى ! نوال بنتي بطلة بوقت كتار ما عندهن ربع قوتها . لازم يعرفو انو حياتنا الخاصة ما الهن علاقة فيها خلص عنجد، هالمستوى فعلا لازمو بلوك و دعوى”.