بالصورة.. مايا دياب مستاءة وتوّجه رسالة للرئيس عون!

عبّرت الفنانة مايا دياب عن إستيائها الشديد من موضوع مرسوم التجنيس، معتبرة في عدة تغريدات عبر حسابها الخاص على “تويتر” أنه كان من المفترض التقدم بقانون اعطاء المرأة الحق بمنح الجنسية لأبنائها.

وقالت: “بعيداً عن أجواء أغنيتي الجديدة، ملف التجنيس بات مخيفًا مريبًا، هالسرعة بأخذ القرار وطرحه، مش أحسن لو بيكون القرار لاعطاء المرأة اللبنانية أولًا حقها بمنح الجنسية لأولادها”.

وأضافت دياب: “ويا ريت ليللي عم بيدافع عن رفض هالمرسوم اليوم بيتذكر انو كان أول مين جنّس بأيام سابقة ومن زمان، هل أنتو عارفين بخطر تغيير ديمغرافية لبنان إذا كمّلنا نجنّس لأسباب خاصة؟؟ نحنا وجود الجنسيات الاخرى ببلدنا وعدم رجوع النزوح ال بلده اثّر علينا بكوارث بشرية بيئية اقتصادية صحية وديمغرافيةوامنية!!!عم بحكي عن عدة جنسيات!!فكيف بالتجنيس؟؟؟”.

وختمت موجّهة رسالة للرئيس ميشال عون جاء فيها: “لبنان اوّلاً يا جماعة.. سيادة الرئيس انت كنت ضد وخايف من التجنيس ورافضه طول الوقت، ارجوك اعادة النظر.. وفي كم حدا دفعوا £€$$$$ وتجنّسوا بعرف كم واحد منن ما بيستاهلو لبنانيتنا يا ريت كمان منسترد منن هالجنسية.. هلقد بخاف ع لبنان”.